somos coruña, proximidade, tecido
En pum cremos que a mensaxería non é só levar paquetes, senón conectar persoas, negocios e historias. Nacemos e medramos na Coruña e iso nótase: coñecemos cada rúa, cada recuncho, cada urxencia. Por iso, ofrecemos un servizo áxil, humano e comprometido coa nosa contorna.
a nosa promesa
velocidade con sentidiño
Entregamos en minutos na Coruña e bisbarra, e no mesmo día no resto da Galiza.
fiabilidade total
Acumulamos o 100% dos servizos entregados con éxito e o 99,3% no prazo comprometido.
proximidade real
Somos un equipo local, comprometido co tecido empresarial e social da cidade.
tecnoloxía útil
Seguimento en tempo real, aplicación para partners e solucións adaptadas a cada cliente.
o que nos move
confianza
Coidamos cada envío coma se fose noso. Facemos o imposíbel por non fallarche, nunca.
compromiso
Adaptámonos ás túas necesidades, sexas particular ou empresa.
Somos conscientes de que nós somos a imaxe do teu negocio, facemos equipo contigo para que o teu valor aumente.
sostibilidade
Apostamos por unha mensaxería responsábel e respectuosa coa nosa contorna.
innovación
Melloramos cada día para ofrecerche o mellor servizo posíbel.
somos máis ca mensaxeiros
En pum, cada entrega é unha oportunidade para demostrar que a mensaxería pode ser diferente: máis humana, máis próxima, máis nosa.
Entregamos paquetes, mensaxes e tamén valores: defendemos o uso do galego en tódolos espazos da vida cotiá, porque é parte do que somos.
Apostamos por unha sociedade diversa e ceibe, onde cada persoa poida ser e vivir con dignidade e respecto durante todo o ano.
Comprometémonos cunha mensaxería inclusiva, segura e orgullosamente plural.